türkiye israiliyening mesjidi eqsagha qilghan hujumini lenetlidi

türkiye awazi radiyosi xewiri: türkiye jumhuriyiti tashqi ishlar ministirliqi israiliye bixeterlik tarmaqlirining mesjidi eqsagha qilghan hujumi we qutratquluqi heqqide bayanat élan qilip: «biz israiliye bixeterlik qisimlirining tünügün kéchidin buyan herem sherifning muqeddesliki we tarixiy salahiyitini depsende qilip, mesjidi eqsagha basturup kirishini, qible meschitige kiriwalghanlargha mudaxile qilip, nurghun pelestin puqrasini qolgha élishini lenetleymiz» dédi.

muqeddes ramizan éyida mesjidi eqsada ibadet qilghuchilargha qaritilghan bu hujumlarni herqandaq shekilde qobul qilghili bolmaydighanliqi tekitlengen bayanatta: «biz hazirdin bashlapla ghezzeni öz ichige alghan bu rayonda ewjige chiqqan jiddiychilktin küchlük endishe qilmaqtimiz. israiliye hökümiti rayondiki jiddiychilikni téximu keskinleshtürüwétidighan her xil qutritish xaraktérlik heriket we hujumlarni derhal toxtitishi kérek» dégen ibarilerge orun bérildi.