qalin: shiwétsiye bilen finlandiye bixeterlik endishilirige xatime bérishi kérek
türkiye jumhur reislik mehkimisi bayanatchisi ibrahim qalin finlandiye bilen shiwétsiyening shimaliy atlantik ehdi teshkilatigha eza bolushi üchün bixeterlik endishilirige xatime bérish yolida tégishlik qedemlerni tashlishi kéreklikini éytti.
türkiye awazi radiyosi xewiri: ibrahim qalin bélgiyening paytexti biryussélda, türkiye – shiwétsiye – üch tereplik kélishim layihesi dairiside qurulghan «daimiy birleshme mixanizmi» yighini heqqide bayanat élan qildi.
bayanatchi qalin türkiye – shiwétsiye – finlandiye daimiy birleshme méxanizmi yighinining omumiy jehettin muweppeqiyetlik ötkenlikini bayan qildi.
qalin shiwétsiye bilen finlandiyening shimaliy atlantik ehdi teshkilatigha eza bolushi musapisi heqqide mundaq dédi: «shiwétsiye bilen finlandiye bixeterlik endishilirige xatime bérish yolida tégishlik qedemlerni tashlishi kérek. derweqe, shiwétsiye bilen finlandiyening shimaliy atlantik ehdi teshkilatigha eza bolushi musapisining süriti, bu ikki döletning tashlighusi qedemlirige baghliq.»
ibrahim qalin türkiyening finlandiye bilen shiwétsiyening shimaliy atlantik ehdi teshkilatigha eza bolushi mesilisini kéchiktürüsh yaki diqqet chéchish niyitining yoqluqini éytti.
shimaliy atlantik ehdi teshkilati teripidin bu heqte élan qilinghan bayanatta mundaq déyildi: «türkiye, finlandiye we shiwétsiye daimiy birleshme méxanizmining uzun muddetlik qimmiti toghrisida ortaq tonush hasil qildi, shundaqla, bu formatsiyede hemkarliqni dawamlashturush we wilnis bashliqlar yighinidin burun yene bir qétim körüshüshke pütüshti.»
finlandiye tashqi ishlar ministirliqi teripidin élan qilinghan yazma bayanatta mundaq déyildi: «herqaysi döletler kéler qétimliq <daimiy birleshme méxanizmi> yighinining etiyazda ötküzülüshi kéreklikini, finlandiye bilen shiwétsiyening shimaliy atlantik ehdi teshkilatigha ezaliq musapisi tamamlanghandin kéyinmu bu hemkarliqning dawamlishishi kérekliki mesiliside birdeklik hasil qildi.»
rusiyening 2022-yili 24-féwral ukrainagha urush élan qilishidin kéyin, shiwétsiye bilen finlandiye on nechche yildin buyan yolgha qoyup kéliwatqan bitereplik siyasitidin waz kéchip, shimaliy atlantik ehdi teshkilatigha eza bolush üchün iltimas sunghanidi.
türkiye 28- iyun küni ispaniyening paytexti madridta chaqirilghan shimaliy atlantik ehdi teshkilati bashliqlar yighinida ezaliq iltimasi sunghan finlandiye bilen shiwétsiyeni wéto qilmaqta.
térrorluq teshkilatlirini ochuq - ashkara halda qollawatqan bu ikki dölet bilen kélishim imzalighan enqere, finlandiye bilen shiwétsiyedin wedilirige emel qilishini kütmekte.
