emine erdoghan b d t wekili meymune muhemmed sherif bilen yer tewresh rayonini ziyaret qildi
jumhur reis rejep tayyip erdoghanning ayali emine erdoghan birleshken döletler teshkilati olturaq rayon ijraiye mudiri meymune muhemmed sherif bilen birge ghazianteptiki yer tewresh rayonlirini ziyaret qildi.
türkiye awazi radiyosi xewiri: jumhur reis rejep tayyip erdoghanning ayali emine erdoghan birleshken döletler teshkilati olturaq rayon ijraiye mudiri meymune muhemmed sherif bilen birge 6 - féwraldiki qahramanmarash merkezlik yer tewreshning tesirige uchrighan ghaziantepning nurdaghi we islahiye rayonlirini ziyaret qildi.
emine erdoghan bilen meymune muhemmed sherif nurdaghidiki kontéynér shehirini ziyaret qilip, yer tewreshke uchrighan aililer bilen körüshti.
emine erdoghan bilen meymune muhemmed sherif muhit asrash, sheherchilik we kélimat özgirishi ministirliqining maslishishi astida yer tewreshke uchrighuchilar üchün tesis qilinghan ijtimaiy rayonlarnimu közdin kechürüp, ijtimaiy bazar, kiyim-kéchek we yémeklik chédirlirini ziyaret qildi hemde paaliyetler heqqide melumat aldi.
emine erdoghan bilen meymune muhemmed sherif balilar we yer tewreshke uchrighan ayallargha yéqindin köngül boldi shundaqla balilarning oyunlirigha ishtirak qildi.
psixologiyilik yardem bergüchilerning xizmiti toghrisidimu melumat alghan we ayallar kopiratipi xizmet séxidiki kespiy terbiyilesh oqutquchiliri bilen körüshken emine erdoghan we meymune muhemmed sherif, islahiye rayonidiki kontéynér shehirinimu ziyaret qilip, yer tewreshke uchrighuchilar bilen söhbetleshti we ulargha yaxshi tileklirini yetküzdi.
emine erdoghan bilen meymune muhemmed sherif kontéynér shehiridiki ammiwi teshkilatlar wekilliri, yer tewreshke uchrighuchilargha sunulghan mulazimetler we yer tewreshke uchrighuchilarning éhtiyajlirigha alaqidar bahalash yighinighimu qatnashti.
مۇناسىۋەتلىك خەۋەرلەر
iraqning shimalida térrorchilargha zerbe bérildi
iraqning shimalida bölgünchi térrorluq teshkilati — p k k ezasi üch térrorchi bir terep qilindi.
