türkiye xewpsizlik kéngishige yer tewresh toghrisida doklat sundi

türkiye awazi radiyosi xewiri: türkiyening birleshken döletler teshkilatida turushluq daimiy wekili feridon sinirlioghlu xewpsizlik kéngishining alahide yépiq yighinida, xewpsizlik kéngishi ezalirigha, türkiyening yer tewresh apitidin kéyinki ehwali heqqide melumat berdi.

sinirlioghlu xewpsizlik kéngishige, yer tewresh apitining ölchimi, jiddiy éhtiyajlar, yer tewresh apitide talapetke uchrighanlargha yardem bérish paaliyetliri we xelqaraliq yardemler heqqide melumat berdi.

bash elchi sinirlioghlu yighinda, hésdashliqi we mas qedemdiki yardemliri üchün xelqara jemiyetke minnetdarliq bildürdi.

sinirlioghlu bashqa döletler we birleshken döletler teshkilatining yer tewresh apitide talapetke uchrighan süriyening gherbiy shimaligha qilidighan insanperwerlik yardemlirini türkiyening chégra éghizliri arqiliq yetküzeleydighanliqini, bu heqte her jehettin qollayliq yaritip bériliwatqanliqini qeyt qildi.

6 – féwral (2023) qahramanmarashta yüz bergen we türkiyening 10 wilayiti bilen süriyege éghir talapetlerni yetküzgen shundaqla minglarche kishining jénigha zamin  bolghan 7.7 we 7.6 balliq yer tewresh apiti «100 yildin buyanqi ong chong balayiapet» dep atalmaqta.