chet ellerdin erdoghangha hal sorash téléfonliri üzülmey kelmekte
yawropa ittipaqi komitéti reisi ursula fondér léyén we yawropa kéngishi reisi charliz mishél jumhur reis rejep tayyip erdoghangha téléfon qilip, yer tewresh munasiwiti bilen hal sorash tileklirini yetküzdi.
türkiye awazi radiyosi xewiri: jumhur reislik uchur - alaqe idarisining bayanatigha asaslanghanda,yawropa ittipaqi komitéti reisi fondér léyén bilen yawropa kéngishi reisi charliz mishél yer tewershte jénidin ayrilghanlargha teziye bildürüp, yarilanghanlarning salametlikining baldurraq eslige kélishini tiligen.
bayanatta yene, yer tewresh munasiwi bilen aljiriye pirézidénti abdulmejid tebbun, gwiniye-bissaw pirézidénti umaro siskoko émbalo, sénégal pirézidénti maki sall, siri lanka pirézidénti ranil wikrémésingxé, qirghizistan pirézidénti sadir japarow, iraq pirézidénti abdullatif reshid, iraq bash ministiri muhemmed shiya essudani we sudanning musteqilliq kéngishi reisi abdulfettah el burhanningmu jumhur reis erdoghangha téléfon qilip, jénidin ayrilghanlargha teziye bildürgenliki, yarilanghanlarning salametlikining baldurraq eslige kélishi üchün shipaliq tiligenliki bildürüldi.
iraq kürt (kord) rayonluq hökümitining sabiq pirézidénti mesut barzaniningmu erdoghangha téléfon qilip, yer tewreshke alaqidar tileklirini yetküzgenliki uqturuldi.
qahramanmarashta aldinqi hepte yüz bergen we 10 wilayetke éghir tesir körsetken 7.7 we 7.6 bal yer tewreshte minglighan kishi jénidin ayrildi. mezkur apet «bu esirning eng chong apet» dep ataldi.
