türkiye méksikaning atalmish «ermeni dewaliri» qararigha qattiq naraziliq bildürdi

türkiye awazi radiyosi xewiri: türkiye tashqi ishlar ministirliqi, méksika kéngesh palatasining 1915-yildiki weqelerge  munasiwetlik atalmish «ermeni dewaliri» ni étirap qilish qararini qattiq eyiblep bayanat élan  qildi.

ministirliqning bayanatida, mundaq déyildi: méksika kéngesh palatasi 2023-yili 2-ayning 8-küni maqullighan we 1915-yildiki weqelerni <irqiy qirghinchiliq> dep étirap qilip maqullighan bu qarar, siyasiy muddia bilen tarixni qayta yézishqa urunush teshebbusi bolup, héchqandaq küchke ige emestur. biz bu qararni ret qilimiz we qattiq eyibleymiz. shuni eskertimizki, qanun chiqirish organlirining tarixni izahlash we bu heqte höküm chiqirish hoquqi yoqtur.»

bayanatta, bu teshebbusning, 1948-yildiki birleshken döletler teshkilatining irqiy qirghinchiliqning aldini élish we jazalash ehdinamisi we yawropa kishilik hoquq soti (ECHR) ning «1915-yildiki weqeler qanunluq talash – tartishliq mesile» dep békitilgen qararigha xilap ikenliki tekitlendi.

bayanatta yene, bu xeterlik qararning méksikadin kelgen izdesh - qutquzush etretliriningmu ishtirak qilshida türkiyede yüz bergen yer tewresh apitide talapetke uchrighanlarni izdesh - qutquzush paaliyetliri dawamlishiwatqan waqitqa toghra kelgenliki, buning tolimu epsuslinarliq ish ikenliki qeyt qilindi.

bayanatta, bu qararning türkiye – méksika dostluqigha yarashmaydighanliqi tekitlinip mundaq déyildi:

«méksika kéngesh palatasini tarixtin düshmenlik yaritishqa urunuwatqan bezi küchlerning küntertipige xizmet qilishning ornigha, bu xataliqini tüzitishkem chaqirimiz.»