jumhur reis erdoghan ghazianteptiki qutquzush xizmetlirini közdin kechürdi

türkiye awazi radiyosi xewiri: tünügün qahramanmarash we uning pazarjik nahiyesi, hatay we iskenderun nahiyesi bilen adanadiki apet rayonlirigha bérip, izdesh – qutquzush xizmetlirini közdin kechürüp, yer tewreshning zerbisige uchrighan kishilerdin hal sorap, munasiwetlik emeldarlardin xizmetler heqqide melumat alghan jumhur reis erdoghan, bügün (8-féwral) ghaziantepke bérip neq meydandiki xizmetlerni tekshürdi.

ghaziantepte tekshürüsh élip bérip, izdesh - qutquzush xizmetliri toghrisida uchur igiligen erdoghan bayanat bérip, qahramanmarashta yüz bérip 10 wilayetke tesir körsetken  yer tewreshte qaza qilghanlar sanining 14014ke, yarilanghanlar sanining 63 ming 794 ke yetkenlikini bildürdi.

döletning barliq organlirining yer tewresh yüz bergendin buyan seperwerlikke kelgenlikini bildürgen erdoghan, aldimizdiki bir yil ichide yer tewreshte öyliri weyran bolghan puqralar üchün yéngi öylerning sélinidighanliqini tilgha élip: «bir terepte botka öylerni qorashturush xizmetlirimiz dawamlishiwatidu, yene bir tereptin, chet ellerdin kéliwatqan botka öylermu bar. kélidighan botka öylerni 10 wilayetke tarqitimiz» dégenlerni qeyt qildi.