«bayqash oti» namliq höjjetlik filim hemmining diqqitini tartti
énérgiye we tebiiy bayliqlar ministiri fatih dönmez qara déngizda tebiiy gaz bayqilishini mezmun qilghan «bayqash oti» namliq höjjetlik filimning istanbuldiki tunji qoyulush murasimigha qatnashti.
türkiye awazi radiyosi xewiri: ministir fatih dönmez türkiyening kelgüsini yorutup bergüchilerning we türkiyening güllengen kelgüsi üchün ter tökkenlerning hékayilirigha shahit bolghanliqini éytti.
qara déngizdiki layihening katta bir muweppeqiyet hékayisi ikenlikini tekitligen fatih dönmez: «bu hékaye؛ özini dölitige béghishlighanlarning hékayisidur. bu hékaye؛ etining türkiyesige, kelgüsi ewladlirimizgha küchlük miras qaldurush üchün ailisi, perzentliri we söygen kishiliridin waz kechkenlerning hékayisidur» dédi.
dönmez qara déngiz gazining arqisidiki zor emgek küchini «bayqash oti» namliq höjjetlik filim arqiliq bir saetke sighdurushqa tirishqanliqlirini bildürüp: «biz bilimiz, bu kéchining qehrimanlirining we bash roldikilerning hékayisi bir kéchige sighdurghili bolmaydighan derijide keng we chungqurdur. biz peqet bu hékayilerge eynek tuttuq. türkiyening énérgiye tarixi qaytidin yézildi. bu hékayilerning bulung-puchqaqlarda qélishigha, untulup kétishige yaki bir qanche kishiningla bilishige könglimiz razi bolmidi» dédi.
fatih dönmez nurghun mutexessislerning qara déngiz layiheside orun élish üchün türkiyege qaytip kelgenlikini eskertip:« bu hékayilerni yürüshlük halgha keltüridighan bir pilanimiz bar, belkim kelgüside ularni kitabqa aylandurushimizmu mumkin» dédi.
