istanbuldiki bomba hujumining pilanlighuchisini chet elge qachuruwetken hazni gölge qolgha chüshürüldi

türkiye awazi radiyosi xewiri: ichki ishlar ministiri süleyman soylu bir xususiy téléwiziye qanilida élan qilghan bayanatida, 13 - noyabirda (2022) taksimdiki istiqlal kochisida 6 kishining jénidin ayrilishi we 81 kishining yaridar bolushigha seweb bolghan partlashning pilanlighuchisi bilal hesenni chet elge qachuruwetken hazni gölgening bulghariyede qolgha chüshürülüp, tünügün (2023-yili 10-yanwar) türkiyege tapshurup bérilgenlikini élan qildi.

ichki ishlar ministiri süleyman soylu térrorluqqa qarshi muweppeqiyetlik küresh üstide toxitilip, türkiyediki térrorchilar sanining 120 din töwenligenlikini bildürdi.  

süleyman soylu néfit bayqalghan shrnaqtiki gabar téghida élip bérilghan heriket üstidimu toxtilip: «gabarda töt térrorchi biterep qilindi. ulardin ikkisi külreng katégoriyede chiqirilghan tutush buyruqi tizimlikide idi. gabar téghida yette térrorchi bar bolup, ulardin töti ujuqturuldi, hazir peqet üchi qaldi. judi téghi pak- pakiz tazilandi. judi téghida dékabirda (2022) 11 térrorchini bir terep qilduq» dédi.

ministir süleyman soylu türkiyening térrorluqqa qarshi küreshte tarix yaratqanliqini tilgha élip: «biz peqet p k k/k j k térrorluq teshkilatigha qarshi herbiy heriket élip barmastin, süriyening shimalida térrorluq teshkilati daéshqimu qarshi firat qalqini herikitini qilduq. biz daéshqa qarshi küresh qilduq. daésh bilen rbiro küresh qilghan birdinbir döletmiz. türkiyede amérika we yawropaning qollashlirigha qarimastin, biz fethullahchi térrorluq teshkilatini tiz püktürduq» dédi.