türkiye: b d t xewpsizlik kéngishidin qararidin xursenmiz
türkiye b d t xewpsizlik kéngishining süriyening gherbiy shimaliy rayonlirigha insanperwerlik yardem buyumlirini yetküzüsh üchün türkiyening « chégra éghizi» ni ishlitish qararining mudditini 6 ay uzartqanliqidin xursen ikenlikini bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi teripidin élan qilinghan yazma bayanatta, birleshken döletler teshkilati xewpsizlik kéngishining bu qararining rayondiki éhtiyajliq 4 milyon 100 ming kishige insanperwerlik yardem bérishte intayin muhim rol oynaydighanliqi tekitlinip mundaq déyildi: «süriyening gherbiy shimaliy rayonlirigha insanperwerlik yardem buyumlirini yetküzüsh üchün türkiyening <jilwegözü> chégra éghizini ishlitish qararining mudditini 6 ay uzartqanliqidin intayin xursenmiz. süriyening gherbiy shimalidiki insaniy tiragédiyening jiddiyliki we rayonning muqimliqi, b d t méxanizmini uzun muddet saqlap qélishni teqezza qilmaqta. bu nishangha asasen, türkiye hazirgha qeder dawamlashturup kelginidek, buningdin kéyinmu xelqara jemiyet bilen dawamliq hemkarlishidu.»
