chawushoghlu israiliye tashqi ishlar ministiri bilen téléfonlashti
diplomatiye ministiri mewlüt chawushoghlu israiliyening yéngi tashqi ishlar ministiri éli kohén bilen téléfonda körüshti.
türkiye awazi radiyosi xewiri: türkiye jumhuriyiti tashqi ishlar ministirliqi teridin bu heqte élan qilinghan bayanatta, téléfon söhbitide, chawushoghluning, israiliyening yéngi tashqi ishlar ministiri süpitide wezipige teyinlengen kohénni tebrikligenliki, hemde israiliye dölet xewpsizlik ishliri ministiri itamar bén – gwirning sözlirige naraziliq bildürgenliki eskertilip mundaq déyilgen: «ministir chawushoghlu, kohéngha, dölitimizning pelestin mesilisige bolghan sezgürlüki we ümidlirini esletti, bu dairide, israiliye dölet xewpsizlik ishliri ministiri itamar bén – gwirning mesjidi eqsagha qarita qutratquluq xaraktérlik sözlirini qobul qilghili bolmaydighanliqini tekitlidi. shundaqla, mesjidi eqsaning salayitini qoghdap qélish mesiliside qilghan ehdimizning muhimliqini otturigha qoydi, israiliyedin her türlük qutratquluq heriketlirining aldini élishini kütüwatqanliqimizni ministir kohéngha yetküzdi.»
bayanatta tekitlinishiche, téléfon söhbitide, ikki ministir, türkiye – israiliye munasiwetlirini tereqqiy qildurush üchün hemkarlishish mesiliside birdeklik hasil qilghan.
