aqar ishtab bashliqi güler we hemrahliqidiki heyetning yéngi yilini tebriklidi

türkiye awazi radiyosi xewiri:  türkiye dölet mudapie ministiri xulusi aqar armiye ishtab bashliqi yashar güler we uning hemrahliqidiki heyetning yéngi yilini tebriklidi.

u muxbirlarning rusiye paytexti moskwada charshenbe küni (2022-yili 28-dékabir) türkiye-rusiye-süriye dölet mudapie ministirliri we istixbarat idariliri bashliqliri arisida emelge ashurulghan üch terep yighini toghrisidiki soallirigha jawab berdi.

u uchrishishlarda musapirlar we süriyediki térrorluq teshkilatlirigha qarshi küresh mesililirining muzakire qilinip, özara pikir almashturulghanliqini bildürdi.

u türkiyening rayonda tinchliq, xatirjemlik we muqimliqni kapaletke ige qilish üchün bügüngiche zimmisige chüshken wezipisini ada qilip kelgenlikini, buningdin kéyinmu ada qilishni dawamlashturidighanliqini éytti.

u: «bolupmu shuni alahide tekitlimekchimen, biz türkiyede we süriyede yashaydighan süriyelik qérindashlirimizning menpeetige qarshi héchqandaq ishni qilmaymiz. biz héchqachan ularni qiyinchiliqqa ittiridighan ishni qilmiduq we qilmaymiz. hemmeylen mushundaq bilishi we buninggha asasen muamile qilishi kérek» dédi.