bölgünchi térrorluq teshkilati p k k gha qarshi eren qorshawi herikiti dawamlashmaqta
küz we qishliq herbiy heriketlerning 19 - qétimliqi shirnakta bashlandi. heriketke 470 xadim we 39 meshghulat etriti qatnashti.
türkiye awazi radiyosi xewiri: eren qorshawi herikiti dairiside, shirnakning bestler dereler rayonida 2 öngkür we 10 panahjay bitchit qilindi.
izdesh we axturush paaliyitide, 2 si yiraqtin kontrol qilinidighan, jemiy 3 dane qolda yasalghan partlatquch we turmush buyumliri qolgha chüshürüldi.
qolgha chüshürülgen matériyallar bir terep qilindi, öngkür we panahjaylar ishletkili bolmaydighan halgha keltürüldi.
yene bir tereptin, süriyening shimalidiki tinchliq buliqi rayonigha hujum qilishqa teyyarliq qiliwatqan 2 neper p k k/y p g térrorchisi ujuqturuldi.
dölet mudapie ministirliqining bayanatida, «térrorchilar üchün muqerrer aqiwet éniq. qehriman türkiye qoralliq qisimlirimiz süriyening shimalidiki tinchliq buliqi rayonigha hujum qilishqa teyyarliq qiliwatqan 2 neper p k k/y p g térrorchisini ujuqturdi. herikitimiz pütün süret bilen toxtawsiz dawamlashmaqta» déyildi.
bu jeryanda, p k k din qachqan 2 térrorchi bixeterlik qisimlirigha teslim boldi.
teslim bolghan térrorchilarning 1993- yili teshkilatqa qatnashqanliqi, iraq we iranda paaliyet qilghanliqi éniqlandi.
2022 - yilida qayil qilish arqiliq teslim bolghan térrorchilarning sani 124 ke yetti.
