erdoghan kespiy maarip yighinigha sinliq télégramma yollidi

türkiye awazi radiyosi xewiri: jumhur reis erdoghan «kespiy maarip yighini» gha yollighan sinliq télégrammisida, kespiy maarip yighinining xeyrilik bolushigha tilekdashliq bildürüp, maaripning sijil iqtisadiy tereqqiyat we omumyüzlük güllinishning eng küchlük asasliridin biri ikenlikini tekitlep mundaq dédi: «dunyaning qeyéride bolushidin qetiynezer, barliq balilarning süpetlik maariptin behrimen bolush hoquqi alemshumul kishilik hoquqtur.»

u yéqinqi 20 yil ichide her yili xamchotning eng chong ülüshini maaripqa ajratqanliqlirini we bu sahede tashlawatqan qedemliri arqiliq zor ilgirileshlerni qolgha keltürgenliklirini tekitlep mundaq dédi: «türkiyeni her jehettin ülgilik döletke aylandurduq.»

kespiy maaripta qolgha keltürülgen hayatiy küchining ayallarning ishqa orunlishishidimu intayin muhim ilgirileshlerge zémin hazirlap bergenlikini eskertken erdoghan, maarip ministirliqi bilen iqtisadiy hemkarliq we tereqqiyat teshkilatining hemkarliqida ötküzülgen kespiy maarip yighinining qimmetlik tejribe – sawaqlarni ortaqlishishtin sirt yene, ishtirakchilarning qimmetlik pikirlirini öginishkimu wesile bolidighanliqini qeyt qildi.