téximu adil bir dunya mumkin
jumhur reislik uchur-alaqe idarisi bélgiye paytexti biryusséldiki yawropa parlaméntida «téximu adil dunya mumkin» témisida ilmiy muhakime yighini uyushturdi.
türkiye awazi radiyosi xewiri: bélgiye paytexti biryusséldiki yawropa parlaméntida ötküzülgen «téximu adil dunya mumkin» témiliq yighinda, b d t qurulmisidiki yétersizlikler we bularni hel qilish üchün élip bérilishi kérek bolghan zörür islahatlar muhakime qilinghan bolup, yawropadiki oxshimighan döletlerdin kelgen mutexessisler, pirinsipchan, keng dairilik, istratégiyelik we ijra qilishqa bolidighan modél üchün öz köz qarashlirini teqdim qildi.
yawropa ittipaqi uchur-alaqe we ammiwi munasiwetler mutexessisi joanna magdalénaning riyasetchilikide, hazirqi qurulmining yéngi tedbirler üchün yéterlik hel qilish charisini tépishni kapaletke ige qilishqa yetmeydighanliqini detalash qilghan mutexessisler, türkiye jumhur reisi rejep tayyip erdoghanning «téximu adil dunya mumkin» namliq kitabida eskertip ötken qarashliri toghrisida özara pikir almashturdi.
t r t world qanilining tashqi siyaset mutexessisi yusuf erim b d t ning hazirqi qurulmisi bilen musapirlar mesilisini, térrorluq we kilimat özgirishige oxshash dunyawi mesililerni hel qilishta yétersiz ikenlikini qeyt qildi.
u afriqa we jenubiy amérika qitesining b d t xewpsizlik kéngishide daimiy wekili bolushqa éhtiyajliq ikenlikini bildürdi.
yawropa parlaméntida siyaset we istratégiyelik uchur-alaqe mutexessisi, siyasiy analizchi ipek tekdemir yawropa ittipaqining dunya tertipining téximu adil halgha kélishi üchün tashlishi kérek bolghan qedemlerge munasiwetlik pikirlirini otturigha qoydi.
yawropa konsérwatipliri we islahatchilar partiyesining sabiq bashliqi richard milson 70 yilliq dunya tertipining yéngi tehditlerge chare tépishqa yétersiz qalghanliqini tekitlidi.
yawropa qoshnidarchiliq kéngishi tetqiqat merkizining diréktori samuél dowéri wéstérbwi türk döletliri teshkilatigha oxshash yéngidin yükselgen teshkilatlarning ehmiyiti toghrisida söz qildi.
nato we tetqiqat organliri üchün istratégiyelik analizchi we siyaset mutexessisi marizo géri b d t xewpsizlik kéngishidiki awaz köplükini ret qilish mesilisining, démokratik qurulmigha uyghun emeslikini bildürdi.
