«penje qilich herikiti» de 184 térrorist ujuqturulghan

türkiye awazi radiyosi xewiri:   dölet mudapie ministiri xulusi aqar quruqluq armiye qomandanliq ishtabida, qomandan, ofitsérlar bilen heriket merkizini ziyaret qildi.

u penje qilich herikiti bilen iraqning shimalidiki qandil, asos, harkuk bilen süriyening shimalidiki ereb pinari, münbich, zor ghar rayoni, tél rifat, jizre we derik rayonliridiki nuqtilarning bombardiman qilinghanliqini eskertip, heriketning deslepki basquchida térroristlarning panahlinish jayliri, öngkür, tonél we iskilatlarni öz ichige alghan 89 nuqtining bitchit qilinghanliqini qeyt qildi.

u térrorluq teshkilatining chong weyranchiliqqa uchrighanliqini tekitlep, mundaq dédi:

«biz emdi hésab élish waqti dewatimiz, ilgiri qilghan-etkenliri bilen, ötken hepte beyoghluda (alte kishi jénidin ayrilghan), tünügün (21-noyabir) chégra linyesidiki önjüpinar we karkamishta (ikki kishi jénidin ayrilghan, birsi kichik bala) qilghan peskeshliklirining hemmisining hésabini soraymiz. bularning hésabini béridu. shéhitlirimizning, puqralirimizning qénining hésabini sorashni dawamlashturimiz. penje qilich herikiti bashlanghandin bügüngiche top we ayropilanlar bilen qilinghan bombardiman netijiside, 184 térrorist ujuqturuldi. bu sanni téximu ashidu dep oylaymiz. eng axirqi bir térrorist ujuqturulghiche kürishimzni dawamlashturimiz. türkiye armiyesi herbiy heriketni pilanlashta bolsun yaki ijra qilishta bolsun puqralar, muhit, tarixiy we medeniy, diniy yadikarliqlar ning ziyangha uchrimasliqi üchün héchqandaq döletning armiyesi qilmaydighan éhtiyatchanliqni körsitiwatidu. türkiye armiyesi bu sezgürlükler toghrisida qilishqa tégishlik ishni adaqqiche qilidu.»