iraq we süriyening shimalida térrorchilargha ejellik zerbe bérish herikiti bashlandi
iraq we süriyening shimalida térorchilar teripidin baza süpitide ishlitiliwatqan rayonlargha qarita «penche – qilich hawa herikiti» élip bérildi.
türkiye awazi radiyosi xewiri: dölet mudapie ministirliqi iraq we süriyening shimalida térorchilar teripidin baza süpitide ishlitiliwatqan rayonlargha qarita «penche – qilich hawa herikiti» élip bérilghanliqini bildürdi.
ministirliqning kéchide élip bérilghan hawa herikiti toghrisida élan qilghan bayanatida mundaq déyildi:
«p k k/k j k/y p g we bashqa térrorluq unsurlirini ujuqturup, iraq we süriyening shimalidin xelqimizge we bixeterlik qisimlirimizgha qaritilghan térorluq hujumlirini yoqitish shundaqla chégra bixeterlikini ishqa ashurush, térrorluqni menbeside biterep qilish meqsitide birleshken döletler teshkilati ehdinamisining 51 – maddisidin hasil qilinghan heqliq mudapie hoquqimizgha binaen iraq we süriyening shimalida térorchilar teripidin dölitimizge hujum qilish üchün baza süpitide ishlitiliwatqan rayonlargha <penche – qilich hawa herikiti> élip bérildi»
dölet mudapie ministirliqi süriye we iraqning shimalidiki térorluq nishanlirigha qarshi élip bérilghan hawa herikitining deslepki körünüshlirini hembehirlidi.
ministirliqning tiwittér hésabida élan qilghan bayanatida, «térrorluqning uwuliri del nishan bilen pachaqlap tashlanmaqta» déyildi.
bayanatqa yene, térrorluq nishanlirining pachaqlap tashlanghan peytlirige munasiwetlik körünüshler ilawe qilindi.
bu ariliqta, <penche – qilich hawa herikiti> ge munasiwetlik qollash bayanatlirimu kélishke bashlidi.
jumhur reis bayanatchisi ibrahim kalin, adalet we tereqqiyat partiyesi bayanatchisi ömer chelik, edliye ministiri bekir bozdagh, emgek we ijtimaiy mulazimet ministiri wedat bilgin térorluqqa qarshi heriketni qollidi.
