türkiye boghuzdiki ashliq paraxotlirining qatnash xewpi peyda qiliwatqanliqini bildürdi

türkiye awazi radiyosi xewiri: türkiyening b d t da turushluq daimiy wekili feridun sinirlioghlu b d t xewpsizlik kéngishide söz qilip, qara déngiz ashliq kélishimining muweppeqiyetlik bolghanliqini, shunga dawamlashturush kéreklikini éytti.

u ashliq kélishimi bilen hazirghiche 9.5 milyon tonna ashliq we yémek-ichmek éksportining emelge ashqanliqini bildürüp, kélishim netijiside yene yémek-ichmek bahalirining chüshkenlikini qeyt qildi.

u kélishimge asasen, b d t dunya yémek-ichmek pirogrammisining bezi döletlerge acharchiliq bashlinishtin ilgiri yardem qilalighanliqini, afghanistandin éfiyopiyegiche, somalidin yemengiche bolghan dunyaning her qaysi jayliridiki balilargha qara déngiz ashliq kélishimining paydisi bolghanliqini bildürdi.

u: «tünügündin  (31-öktebir) bashlap hésablighanda, istanbul etrapida tekshürüshni kütüp turuwatqan ashliq bésilghan 97 paraxot bar. istanbul boghuzida lengger tashlighan paraxotlar qatnash xewpi peyda qiliwatidu. türkiye paraxotlarning yolgha chiqishi üchün b d t bilen birlikte tirishchanliq körsitiwatidu» dédi.