erdoghan: biz insaniyet üchün xizmet qilishni dawamlashturimiz

türkiye awazi radiyosi xewiri:  jumhur reis rejep tayyip erdoghan istanbulda ötküzülgen 8-nöwetlik türk tébbiy dunyasi qurultiyi we tébabet tarixigha-ortaq ötmüshke wapa mukapat tarqitish murasimigha qatnashti we söz qildi.

u rusiyening ashliq kélishimini toxtatqanliqi üstide toxtilip: «rusiye özige ukraina bilen oxshash muamile qilinmighanliqi sewebidin ikkilinip qalghan bolsimu, biz insaniyet üchün xizmet qilishni qetiy dawamlashturimiz» dédi.

u ashliq kélishimi bilen ukrainadin 9.3 milyon tonna bughdayning chiqirilip, insaniyetning xizmitige sunulghanliqini, yémek-ichmek kirizisining nisbeten azaytilghanliqini qeyt qildi.

türkiye, rusiye, ukraina we b d t arisida 22-iyul (2022) istanbulda ashliq kélishimi imzalanghan idi.

rusiye jüme küni (2022-yili 28-öktebir) gherbning rus ashliqi we oghutigha émbargo yürgüzgenlikini seweb qilip, ashliq kélishimini uzartish mesiliside, 18-noyabirghiche qolidiki barliq melumatlargha asasen qarar chiqiridighanliqini bildürgen idi.