erdoghan türkiyeni qarilash urunushlirigha naraziliq bildürdi

türkiye awazi radiyosi xewiri: erdoghan firansiye sémont shirkiti «lafarg»ning süriyede daésh térrorluq teshkilatini qollighanliqining pash bolghanliqigha isharet qilip, «tünügün bizge töhmet qilghanlarning shu mezgilde daésh bilen hemkarlashqanliqi pakitliri bilen birlikte otturigha chiqmaqta» dédi.

«biz bu riyakar pozitsiyening bölgünchi térrorluq teshkilati p k k, p y d we fethullahchi térrorluq teshkilati (fetö)ghimu tutulghanliqini bilimiz» dégen erdoghan, sözini dawamlashturup: «ular qolliridiki bigunah insanlarning qanlirigha qarimay, bu teshkilatlarni qollaydu, qoghdaydu, himaye qilidu. her qétim éghiz achqanda bizge erkinlik, démokratiye we kishilik hoquq toghrisida söz qiliwatqanlar, mesxiriilik bahanilerning arqisigha yoshurunuwélip, bu teshkilatni qollashni dawamlashturmaqta» dégenlerni qeyt qildi.

u, türkiyening «térrorluqqa qarshi turush kürishi»ni qarilash urunushlirighimu naraziliq bildürüp: «biz fethullahchi térrorluq teshkilatidin tartip bölgünchi térrorluq teshkilatlirighiche, hetta herqaysi xelqaraliq axbarat wasitilirigiche bolghan dölitimizge qarshi nahayiti keng bir qatlamning hujum nishani bolmaqtimiz. bolupmu térrorluq teshkilatilirigha qarshi élip barghan yolluq kürishimiz pütünley yalghan, toqulma xewerler bilen qarilanmaqta» dédi.

jumhur reis erdoghan, saxta xewer we uchur bulghinishigha qarshi turushning ehmiyitini tilgha élip, islam döletlirining bu mesilide birlikte heriket qilishi kéreklikini tekitlidi.