faxrettin altun: girétsiye panahlanghuchilargha qaratqan gheyriy insaniy pozitsiyesidin waz kechsun
jumhur reislik uchur alaqe idarisi bashliqi faxrettin altun girétsiyeni panahlanghuchilargha tutqan gheyriy insaniy pozitsiyesidin baldurraq waz kéchishke shundaqla türkiyege qaritilghan asassiz we delilsiz eyibleshlerni tügitishke hemde bir döletke layiq es
türkiye awazi radiyosi xewiri: faxrettin altun girétsiye köchmenler we panahliq ishliri ministiri notis mitarakisning türkiye toghrisida tiwittérda élan qilghan yazmilirigha qarita tiwittér hésabidin jawab qayturdi.
faxrettin altun: «türkiyeni özige arilashturuwalghan grétsiye köchmenler we panahliq ishliri ministiri hembehirligen yalghan - yawidaq uchurliri bilen dölitimizni guman astida qoymaqchi boptu. girétsiye bu bihude we ehmiyetsiz urunushlar bilen birge xususiy nerse-kéreklirini tartiwélip chégradin qoghlap chiqarghan panahlanghuchilarningmu resimlirini élan qilish arqiliq pütün dunyagha özining zulumgha uchrighuchilarning izzet-hörmitige zezziche hörmet qilmaydighanliqini yene bir qétim namayan qildi. girétsiye dairiliri aldi bilen frontékis (yawropa birleshmisi chégra qoghdash idarisi) bilen jinayi hemkarliq ichide, ege déngizida tunjuqup qaza qilishigha seweb bolghan bowaqlarning, merichte bulang talang qilip, kemer bilen urghan we tonglap qaza qilishigha seweb bolghan kishilerning hésabini bérishi lazim. biz girétsiyeni panahlanghuchilargha tutqan gheyriy insaniy pozitsiyesidin baldurraq waz kéchishke, shundaqla türkiyege qaritilghan asassiz we delilsiz eyibleshlerni tügitishke hemde bir döletke layiq estayidil bolushqa chaqirimiz» dédi.
