bartindiki kanda qaza qilghanlar üchün her qaysi döletlerdin teziyenamiler kelmekte

türkiye awazi radiyosi xewiri: birleshken döletler teshkilati bash katipi antoniyo gutérrés bayanatchisi stéfan dujarik arqiliq yollighan teziyenamisida, kandiki partlashta hayatidin ayrilghanlar üchün «qattiq qayghurghanliqi» ni bildürdi. gutérrés hadiside hayatidin ayrilghanlarning aile-tawabiatlirigha we türkiye hökümitige teziye tileklirini bildürüp, yarilanghanlarning tézrek eslige kélishini tilidi.

qirghizistan pirézidénti sadir japarowmu jumhur reis rejep tayyip erdoghangha yollighan teziye xétide, türkiyening azabini ortaqlishidighanliqini bildürüp,  özi we qirghizistan xelqige wakaliten hayatidin ayrilghanlarning aile-tawabiatlirigha teziye bildürdi hemde yarilanghanlargha shipaliq tilidi.

erméniye tashqi ishlar ministiri ararat mirzoyan we özbékistan tashqi ishlar ministiri wiladimir norowmu tiwittér hésablirida tashqi ishlar ministiri mewlut chawushoghluning hésabini isharetligen halda yazma hembehirlidi. her ikki ministir yazmilirida bartindiki kanda yüz bergen partlashta hayatidin ayrilghanlargha teziye tileklirini bildürdi we yarilanghanlargha tézraq shipaliq tilidi.

taliban waqitliq hökümiti tashqi ishlar ministirliqi bayanatchisi abdulqahar bilximu türkiye xelqi we hökümitige teziye bildürüp, yarilanghanlarning tézrek eslige kélishini tilidi.

jüme küni türkiye kömürchilik orginining amasra muessisesi qarmiqidiki kanda yüz bergen partlashta 41 kishi qaza qilghan idi.