shentop we altun kan qazasida hayatidin ayrilghanlargha teziye bildürdi
türkiye büyük millet mejilisi (t b b m) bashliqi mustapa shentop we jumhur reislik mehkimisi uchur – alaqe ishliri idarisi bashliqi altun, bartinning amasra nahiyesidiki bir kanda meydangha kelgen partlash weqeside qaza qilghanlargha teziye bildürdi.
türkiye awazi radiyosi xewiri: türkiye büyük millet mejilisi bashliqi shentop, türkiye tashkömür orginigha qarashliq amasra kömür kénida meydangha kelgen partlash munasiwiti bilen bartin waliysi nurtach arslangha téléfon qilip melumat igilidi, weqede hayatidin ayrilghanlargha allahtin rehim – shepqet, ularning yéqin – yoruqlirigha sewr, yaridarlargha téz shipaliqlar tilidi.
shentop ijtimaiy taratqu supisidiki adrésida hembehriligen teziye uchuridimu «qapsilip qalghan qérindashlirimizning saq – salamet qutuldurulushi we qaza qilghanlar sanining köpiyip ketmesliki üchün dua qiliwatimiz» dégen ibarilerge orun berdi.
türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altunmu ijtimaiy taratqudiki adrésida, partlashqa qaza qilghanlargha teziye bildürdi, ularning yéqin – yoruqliridin hal soridi hemde yaridarlarning salametlikining tézrek eslige kélishini tilep: «barliq idare – organlirimiz toluq hemkarliqni ishqa ashurup bu epsuslinarliq weqege munasiwetlik xizmetlirini dawamlashturmaqta» dégenlerni qeyt qildi.
