bartindiki partlashta 28 adem qaza qildi

türkiye awazi radiyosi xewiri: türkiye tashkömür orgini qarmiqidiki bir kanning bir bölümide tünügün kech saet 18 din 15 minut ötkende partlash yüz berdi؛ partlashtin kéyin rayongha derhal köp sanda sehiye, ot öchürüsh we izdesh - qutquzush etriti xadimliri ewetildi.

sehiye ministiri fahrettin koja, partlash 28 kan ishchisining hayatidin ayrilghanliqini, yarilanghan 11 kan ishchisining doxturxanida dawaliniwatqanliqini bildürdi..

weqedin kéyin neq meydangha yétip barghan ichki ishlar ministiri süleyman soylu, partlash yüz bergende kanda 110 ishchining barliqini, nöwette kan ichide qalghan 15 ishchini qutquzush xizmetlirining dawamlishiwatqanliqini éytti.

ministir soylu bilen birlikte rayongha yétip barghan énérgiye we tebiiy bayliqlar ministiri fatih dönmez bolsa, deslepki mulahizilerning, kandiki partlashni gaz siqiship qélish hadisisining keltürüp chiqarghanliqigha isharet qilghanliqini bildürdi.

 weqeni tekshürüsh xizmetliri bashlandi.

bügünki barliq orunlashturushlirini emeldin qaldurghan jumhur reis rejep tayyip erdoghan bartingha bérip, neq meydandiki izdesh - qutquzush xizmetlirini maslashturidu.

jumhur reis erdoghan ijtimaiy alaqe supisidiki adrésida uchur hembehrilep: «men bartinimizning amasra nahiyesidiki kömür kénida meydangha kelgen partlashta hayatidin ayrilghan qérindashlirimizgha allahtin rehim – shepqet, tughqanlirigha sewr, yarilanghan qérindashlirimning salametlikining tézrek eslige kélishini tileymen» dégenlerni qeyt qildi.

barliq organlarning izdesh – qutquzushni öz ichige alghan partlashqa munasiwetlik xizmetlerni izdesh we qutquzush xizmetlerni estayidilliq bilen dawamlashturuwatqanliqini bildürgen erdoghan, özining yolyuruqigha asasen, üch ministirning neq meydandiki xizmetlerni nazaret qilish üchün rayongha yétip barghanliqini eskertti.