erdoghan bilen toqayéw qoshma bayanname élan qildi
dölitimiz (türkiye jumhuriyiti) jumhur reisi rejep tayyip erdoghan bilen qazaqistan pirézidénti qasim jömert toqayéw, ikki terep otturisida diplomatik munasiwet ornitilghanliqining 30 – yilliqi munasiwiti bilen qoshma bayanname élan qildi.
türkiye awazi radiyosi xewiri: qazaqistanning paytexti astanadiki akorda pirézidént sariyida, jumhur reis rejep tayyip erdoghan bilen qazaqistan pirézidénti qasim jömert toqayéwning riyasetchilikide tünügün ishqa ashurulghan uchrishishtin kéyin, türkiye – qazaqistan otturisida diplomatik munasiwet ornitilghanliqining 30 – yilliqi munasiwiti bilen qoshma bayanname élan qilindi.
16 maddin teshkil tapqan qoshma bayannamede, ikki dölet otturisida köpligen sahelerde ortaq paaliyetlerning köpeytilidighanliqi qeyt qilindi.
qatnash saheside trans – hazar yoli we baku – tiflis – qars liniyesidin ünümlük paydilinish üchün mas qedemdiki xizmetlerning köpeytilidighanliqi tekitlengen bayannamede, térrorizmgha qarshi küresh toghriliqmu mexsus orun ajritilip mundaq déyildi: «ikki döletning dölet bixeterlikige tehdit salidighan barliq unsurlargha qarshi küreshni kücheytish toghruluq birdeklik hasil qilindi.»
bayannamede, dölet mudapie sanaiti, maarip, muhit asrash we ormanchiliq qatarliq sahelerde hemkarlishish imkaniyetlirini ashurush toghrisida kélishim hasil qilinghanliqi we xelqara teshkilatlarda özara hemkarliqning dawamlishidighanliqi otturigha qoyuldi.
