chawushoghlu: amillirini hel qilmisa térrorizmgha qarshi küreshte ghelibe qilghili bolmaydu
tashqi ishlar ministiri mewlüt chawushoghlu térrorizmning uzuqluq menbelirini qurutmay turup, térrorizmgha qarshi küreshte ghelibe qilghili bolmaydighanliqini éytti.
türkiye awazi radiyosi xewiri: chawushoghlu, birleshken döletler teshkilatining 77 – nöwetlik omumiy kéngesh yighini dairiside amérika qoshma ishtatlirining niyu york shehiride ötküzülgen 12 – nöwetlik ministirlar derijilik «yer shariwi térrorizmgha qarshi küresh munbiri» yighinigha qatnashti, hemde bu yerde qilghan sözide, térrorizmning tereqqiy qiliwatqan yer shariwi bir duél élan qilish ikenlikini, téxnologiyedin téximu köp behrimen bolush pursitining bu sahediki tehditni ewj alduruwetkenlikini tekitlidi.
islam düshmenliki we irqchiliq keltürüp chiqarghan shiddetlik esebiy ongchilliq hujumliriningmu barghanséri köpiyip kétiwatqanliqini éytqan chawushoghlu, rayonluq we mezhep xaraktérlik sürkilishlerning, xush péilsizliq we ajiz döletlerning, térrorluq bayanlirigha zémin hazirlap bergenlikini tekitlep mundaq dédi: «térrorizmning uzuqluq menbelirini qurutmay turup, térrorizmgha qarshi küreshte ghelibe qilghili bolmaydu. térrorizmgha qarshi kürishimizde muweppeqiyet qazinish, térrorchilargha bixeter bir panah jay bermeslik üchün ortaq tirishchanliq körsitishimizge baghliqtur. tejribe – sawaqlar bizge térrorizmning dini we étnik kimliki bolmaydighanliqini ispatlap berdi. bu nuqtidin élip éytqanda, térrorizmning barliq shekilliri we amillirigha qarshi küresh qilishimiz kérek. qosh ölchemlerge yer bolmasliqi lazim.»