fahrettin altun: téximu adil b d t berpa qilish mumkin

türkiye awazi radiyosi xewiri: jumhur reislik uchur-alaqe idarisining bashliqi fahrettin altun yighinning échilishigha widéo ewetti. u niyu yorkta 20-26-séntebir künliri arisida échilidighan b d t 77-nöwetlik omumiy kéngishidin burun, türkiyening b d t islahatigha qaratqan siyasitini dunya miqyasida xelqara jemiyetke yetküzüshni meqset qilghan yighinlarning birining madridta échilghanliqini eskertti.

u: «jumhur reis rejep tayyip erdoghanning uzun waqittin buyan tekitlep kéliwatqan <dunya beshtin chong> dégen sözi xelqara jemiyette köp inkas peyda qildi. köp qutupluq, téximu adil we hemmini öz ichige alidighan b d t berpa qilish mumkin» dédi.

u b d t ning hazirqi ehwalining xelqara jemiyetning kütkinini qamdashtin yiraq ikenlikini, inawiti we ishenchilik derijisining töwenligenlikini, hel qilish charisi emes, belki qiyinchiliq peyda qilidighanliqini tekitlidi.

u mundaq dédi:

«b d t xewpsizlik kéngishi besh daimiy ezasi bilen zulum salghangha, yamangha yantayaq bolghangha qarshi awaz chiqarmaydighan boldi. b d t xewpsizlik kéngishining adil bolmighan bu qurulmisi özgirishi kérek, shundaqla keng dairilik islahatqa éhtiyajliq.»