bosniye-gértségowina -türkiye otturisida kimlik bilen bérish-kélish bashlinidu

türkiye awazi radiyosi xewiri:bosniye-gértségowina pirézidéntliq kéngishining bashliqi sefik dzaférowij pirézidéntliq mehkimisi binasi aldida rejep tayyip erdoghanni resmiy murasim bilen kütüwaldi. murasimdin kéyin, rejep tayyip erdoghan we bosniye-gértségowina pirézidéntliq kéngishining ezaliridin sefik dzaférowij, zélzhko komsik we milorad dodik bir yerge jem boldi hemde özara tüzülgen kélishimlerge imza qoydi.

rejep tayyip erdoghan axbarat élan qilish yighinida: «emdi kimlik bilen bosniye-gértségowina-türkiye otturisida sayahet qilishqa ruxset qilishni qarar qilduq» dédi.

u bosniye-gértségowinaning saylam qanunigha özgertish kirgüzülgenliki toghrisidiki bir soalgha: «saylam qanunigha munasiwetlik qararni üch rehber chiqirishi kérek. buninggha aliy wekilning arilishishi démokratiyening pirinsiplirigha xilap» dep jawab berdi.

u bosniye-gértségowinagha qarap yolgha chiqishning aldida élan qilghan bayanatliri toghrisidiki soalgha: «qolliridiki arallarda herbiy bazilar bar. u yerlerde bizge qarshi qanunsiz halda tehdit sélishni dawamlashtursa, sewrningmu chéki bar» dep jawab berdi.