türkiye yawropaning eng chong herbiy yermenkisige «rehber dölet» süpitide qatnishidighan boldi

türkiye awazi radiyosi xewiri: bu yil 30 - nöwetliki ötküzülidighan xelqara mudapie sanaiti yermenkisi «MSPO 2022» ge, 6 - séntebirdin 9 - séntebirgiche polshaning kiéljé shehiri sahibxanliq qilidu.

türkiye 2013-yili «MSPO» herbiy yermenkisige «rehber dölet» süpitide qatnashqan bolup, emdilikte ikkinchi qétim yene shu salahiyet bilen qatnishidighan boldi.

türkiye jumhur reisliki dölet mudapie sanaiti idarisining (SSB) maslishishi shundaqla dölet mudapie we awiyatsiye sanaiti éksportchilar jemiyitining (SSI) qollishi astida 26 shirket bilen «MSPO 2022» herbiy yermenkiside orun alidu.

yermenke jeryanida türkiye dölet mudapie sanaiti shirketliri ishlepchiqarghan her xil  uchqular, tizgineklik quruqluq wastiliri, bronéwik aptomobil supiliri, qoral sistémiliri, déngiz sistémiliri, éléktronluq sistémalar, oq-dora, teqlidleshtürgüchi we eshya oboroti yardem mehsulatliri...  qatarliqlar yawropaliq qatnashquchilargha körsitilidu. türkiyening resmiy wekiller ömiki sahibxan dölet emeldarliri we yermenkige qatnishidighan bashqa dölet wekilliri bilen uchrishish ötküzidu.

türkiye dölet  munbiride, polshaning herbiy mesulirigha we bashqa qatnashquchilargha türkiye mudapie sanaiti we ilghar téxnika iqtidari toghrisida melumat bérilidu hemde hemkarliq pursetliri  muzakire qilinidu.