erdoghan girétsiyeni agahlandurdi

türkiye awazi radiyosi xewiri: dölitimiz (türkiye jumhuriyiti) jumhur reisi rejep tayyip erdoghan, samsun charshamba ayrodurumida «awiyatsiye, alem qatnishi we téxnologiye (téknofést) – 2022» féstiwalida qilghan sözide, téknoféstning, 107 dölettin 600 ming yash riqabetleshken bir paaliyetke aylanghanliqini tekitlep mundaq dédi: «bu zéhniy bir inqilabtur. tünügün bizge pulghimu mudapie sanaiti téxnologiye mehsulatlirini sétip bermigen döletlerge bügün bu mehsulatlarni éksport qilidighan sewiyege yettuq. türkiyening uchquchisiz hawa apparatliri mudapie sanaitidin sirt yene, eshya oborotidin yéza igilikkiche bolghan nurghun sahelerde ishlitilishke bashlidi.»

türkiyening bügünki künde % 80 yerlik we milliy mudapie sanaiti mehsulatlirigha ige ikenlikini eskertken jumhur reis erdoghan, «qizil alma» namliq uchquchisiz urush ayropilani yasashning, dunya urush tarixida oyunning yönilishini belgileydighan muhim bir heriket ikenlikini qeyt qildi.

nutiqida, girétsiyegimu naraziliq bildürgen jumhur reis erdoghan, mundaq dep körsetti: «nöwette amérika qoshma ishtatliri girétsiyening dedeaghach shehirige qoral – yaraghlarni, urush ayropilanlirini ewetiwatamdu? u yerden <300 – s> bashqurulidighan bomba hawa mudapiesi sistémiliri bizge tehdit sélishqa ununuwatamdu? ey girétsiye! tarixqa nezer tashlighan, tarixqa qaytqin, heddingdin téximu ashsang, buning bedili éghir bolidu. girétsiyeni birla jümle bilen agahlandurimiz: <izmirni untuma.> arallarni ishghal qilish bizni qorqitalmaydu, waqti kelgende tégishlik jawab qayturimiz. daim tekitlep kéliwatqinimizdek, bir küni kéchisi tuyuqsiz kélishimiz mumkin.»