erdoghan: türk tilini keng omumlashturush seperwerlik paaliyetlirini qizghin qollaymen
dölitimiz (türkiye jumhuriyiti) jumhur reisi rejep tayyip erdoghan pat yéqinda bashlinidighan türk tilini keng omumlashturush seperwerlik paaliyetlirini qizghin qollaydighanliqini éytti.
türkiye awazi radiyosi xewiri: jumhur reis erdoghan, paytext enqerede jumhur reislik mehkimiside 20 ming oqutquchini wezipige teyinlesh murasimida qilghan sözide, ösmürlerning saghlam ösüp yétilishi we insaniy munasiwetlirini dawamlashturushigha kapaletlik qilish üchün imkaniyetning bariche tirishchanliq körsitiwatqanliqlirini, buningdin kéyinmu shundaq qilidighanliqlirini tekitlidi.
u, oqutquchilardin ösmürlerni bolupmu ammiwi taratqularning moda medeniyetlirining ziyanliq tesirliridin qoghdishini telep qildi.
erdoghan, pat yéqinda ishqa kirishtürülidighan türk tilini keng omumlashturush seperwerlik paaliyetlirini qizghin qollaydighanliqini tekitlep mundaq dédi: «nishanimiz ewladlirimizning bizni biz qilghan qimmet qarashlirining muhimliqini we bu zéminlarning pütmes - tügimes bayliqtin ibaret ölmes heqiqetni téximu yaxshi chüshinishige kapaletlik qilishtur. balilirimizning medeniyitimizning toshughuchisi bolghan güzel türk tilimizni eng yaxshi usulda ishlitish maharitige érishishini chin dilimizdin ümid qilimiz.»
u yene, yéngi wezipige teyinlengenliri bilen qoshulup, oqutquchilarning omumiy sanini texminen 1 milyon 10 minggha yetküzgenliklirinimu sözlirige ilawe qildi.
