türkiye ezerbeyjanni tebriklidi

türkiye awazi radiyosi xewiri:türkiye tashqi ishlar ministirliqi lachin shehiri bilen zabuh we sus yézilirining ezerbeyjangha qayturup bérilgenliki toghrisida bayanat élan qildi.

bayanatta: «lachin shehiri bilen zabuh we sus yézilirining 2020-yili 10-noyabir imzalanghan xitabname ramkisida bügün (2022-yili 26-awghust) ezerbeyjangha qayturup bérilgenlikidin xushalliq hés qilimiz» déyildi.

«jenubiy kawkazda tinchliq we muqimliqning ornitilishi üchün maxtashqa erziydighan mezkur ilgirileshning, ezerbeyjan-erméniye munasiwetliridikige oxshash, rayonning normallishishighimu hesse qoshushini ümid qilimiz» déyilgen bayanatta yene, türkiyening bügüngiche qilip kelginidek, buningdin kéyinmu qérindash ezerbeyjanning zémin pütünlükini we igilik hoquqini dawamliq qollaydighanliqi tekitlendi.