erdoghan: urushning üstelde axirlishidighanliqigha ishinimiz

türkiye awazi radiyosi xewiri: türkiye jumhur reisi rejep tayyip erdoghan: «ukraina-rusiye urushida barliq mesile, muzakire üstilige olturghuzidighan eng qisqa we adil yolni tépish» dédi we muressechilik rol oynashqa teyyar ikenliklirini bildürdi.

jumhur reis reqep tayyip erdoghan bir künlük ziyaret üchün yétip barghan ukrainaning lwiw shehiride, ukraina pirézidénti wolodimir zélénsky we b d t bash katipi antoniyo gutérs bilen körüshti. körüshüshtin kéyin ötküzülgen birleshme axbarat élan qilish yighinida soallargha jawab berdi.

u: «istanbulda terepler otturisida mart éyida emelge ashurulghan uchrishishlarda shekillengen ölchemlerge asasen muzakirelerni janlandurush üchün asanlashturghuchi yaki muressechilik rolini üstimizge élishqa teyyarmiz» dédi.

u barliq mesililerning, muzakire üstilige olturghuzidighan qisqa we adil yoni tépish ikenlikini tekitlep, diplomatik musapini janlandurush üchün xelqaraliq jemiyetning qollishining muhim ehmiyetke ige ikenlikini, urushning muzakire üstilide axirlishidighanliqigha ishinidighanliqini eskertti.

u mundaq dédi:

«zaporizhya yadro éléktr istansisi etrapida dawamlishiwatqan toqunushlardin endishe qiliwatqanliqimizni bildürduq. yéngi chérnobil weqesining yüz bérishini xalimaymiz.»

ukraina pirézidénti wolodimir zélénskiy jumhur reis rejep tayyip erdoghan bilen ayrim körüshüshtin ilgiri yazma bayanat élan qildi.

u bayanatida, rejep tayyip erdoghanning ziyaritige küchlük qollash dep baha bérip: «türkiye jumhur reisining ukraina ziyariti, küchlük dölettin kelgen küchlük qollash signalidur» dédi.