erdoghan istanbul medeniyet uniwérsitéti kutupxanisini ishqa kirishtürdi
jumhur reis rejep tayyip erdoghan istanbul medeniyet uniwérsitétida türkiyening eng chong uniwérsitét kutupxanisini ishqa kirishtürdi.
türkiye awazi radiyosi xewiri: jumhur reis erdoghan, istanbul medeniyet uniwérsitéti ziraet bankisi kutupxanisi we merkiziy derslik binasining échilish murasimigha qatnashti.
erdoghan, bu yerde qilghan sözide, hazir türkiyediki eng chong kutupxanining paytext enqerediki beshtepe jumhur reislik mehkimisi binasigha jaylashqan 5 milyon tomluq kitabqa ige dölet kutupxanisi ikenlikini eskertip mundaq dédi: «(medeniyet uniwérsitétida) bir milyon tomluq kitabqa ige we birla waqitta 3 ming kishige mulazimet qilidighan élimizning eng chong uniwérsitét kutupxanisini achimiz.»
u, herqaysi mekteplerning kutupxaniliridiki kitab saninimu qisqa waqit ichide 3 hesse köpeytip, 70 milyongha yetküzgenliklirini, buni yil axirghiche 100 milyongha yetküzidighanliqlirini qeyt qildi.
