«firat qalqini» herbiy herikiti rayonida nurghun térrorchi bir terep qilindi
süriyede «firat qalqini» herbiy herikiti rayonigha tajawuz qilish teshebbusida bolghan bölgünchi térrorluq teshkilati p k k/y p g mensubi 5 térrorchi bir terep qilindi.
türkiye awazi radiyosi xewiri: türkiye jumhuriyiti dölet mudapie ministirliqi teripidin bu heqte élan qilinghan bayanatta, mundaq déyildi: «térrorchilarni xainlarche shum niyetlirige yételmestinla bir terep qilishni dawamlashturuwatimiz. <firat qalqini> herbiy herikiti rayonigha tajawuz qilish teshebbusida bolghan bölgünchi térrorluq teshkilati p k k/y p g mensubi 5 térrorchi, qehriman alahide etretlirimiz teripidin bir terep qilindi. térrorizmgha qarshi kürishimiz keskin dawamlashmaqta, buningdin kéyinmu shundaq bolidu.»
yene bir tereptin, siirtta bölgünchi térrorluq teshkilati p k k mensubi 2 térrorchi bir terep qilindi.
türkiye jumhuriyiti ichki ishlar ministirliqining bildürüshiche, «eren qamal qilish – 27» zerbe bérish herikiti dairiside, siirt wilayitining perwari nahiyesining yéza – qishlaqlirida, bölgünchi térrorluq teshkilati p k k mensubi 2 térrorchi, qoral – yaraghliri bilen birlikte bir terep qilinghan.
bayanatta tekitlinishiche, rayonda bölgünchi térrorluq teshkilati p k k gha zerbe bérish heriketliri üzlüksiz dawamlashmaqta iken.
türkiye jumhuriyiti dölet mudapie ministirliqi teripidin bu heqte élan qilinghan yene bir bayanatta, mundaq déyildi: «iraqning shimalida muweppeqiyetlik halda dawamlishiwatqan ‹penje – qulup› herbiy herikiti arqiliq térrorchilarning uwilirini yer bilen yeksan qiliwatqan qehriman qisimlirimiz, rayonda bölgünchi térrorluq teshkilati p k k gha ait köp sanda qoral - yaragh we oq – dorini qolgha chüshürdi.»
مۇناسىۋەتلىك خەۋەرلەر
türkiye ghezzege yardem bérishte aldinqi orunda turidu
türkiye ghezzege insanperwerlik yardem bérishte dunya boyiche aldinqi orunda turidu.