süriyening shimalida 4 térrorchi bir terep qilindi

türkiye awazi radiyosi xewiri: türkiye jumhuriyiti dölet mudapie ministirliqi teripidin bu heqte élan qilinghan bayanatta, mundaq déyildi: «süriyening shimalidiki <firat qalqini> herbiy herikiti rayonigha hujum qilishqa teyyarliniwatqan bölgünchi térrorluq teshkilati p k k/y p g  mensubi 4 térrorchi bir terep qilindi. térrorizmgha qarshi  kürishimiz taki eng axirqi térrorchi bir terep qilinghangha qeder qetiy irade bilen keskin dawamlishidu.»

mardin wilayitining nusaybin nahiyeside bölgünchi térrorluq teshkilati p k k/k j k mensubi 3 térrorchi bir terep qilinghanidi.

türkiye jumhuriyiti ichki ishlar ministirliqining bu heqte élan qilghan bayanatida, dölet xewpsizlik küchlirining, bölgünchi térrorluq teshkilati p k k/k j k ning paaliyetlirini éniqlash chiqish we aldini élish meqsitide dawamlashturuwatqan zerbe bérish heriketliri dairiside, tünügün mardin wilayitining nusaybin nahiyesi yézilirida uchquchisiz hawa apparati arqiliq 3 térrorchining süriti tartilghanghanliqi, bu térrorchilarning jayliri aldi bilen uchquchisiz hawa apparatlirining wasitisi arqiliq belge qilinghanliqi, andin bu 3 térrorchining, «F-16» tipliq urush ayropilanliri we qoralliq uchquchisiz hawa apparatliri arqiliq bir terep qilinghanliqi bildürülgenidi.

bayanatta, rayonda yoshurunuwalghan bashqa térrorchilarnimu bir terep qilish meqsitide bashlanghan keng dairilik zerbe bérish heriketlirining izchil dawamlishiwatqanliqi tekitlengenidi.

bu ariliqta, ichki ishlar ministiri sulayman soylu, ammiwi ortaqlishish tor bétidiki sehipiside élan qilghan bayanatida, mundaq dégenidi: «térrotériyelirimizde térrorchilarni xalimaymiz, i térrorchilar! teslim bolunglar.»