türkiye we rusiye heyetliri moskwada körüshti

türkiye awazi radiyosi xewiri: türkiye ukraina-rusiye urushi seweb bolghan ashliq kirizisini hel qilish üchün bashlighan diplomatik tirishchanliqlar we dölet mudapie ministiri hulusi akar rusiyelik mensepdashliri bilen ötküzgen uchrishishlardin kéyin, türkiye- rusiye, ukraina otturisida ijra qilinghan «qizil linye diplomatiyesi» méwe bérishke bashlidi.

türkiye - rusiye heyetliri yighinida, mesilini hel qilish üchün türkiye, rusiye, ukraina we b d t ning özara muzakire ötküzüsh pikirining shekillengenliki qeyt qilindi.

bu ramkida, türkiye dölet mudapie ministirliqining bir heyiti tünügün ashliq kirizisni hel qilish, ashliq bésilghan soda paraxotlirining ukraina portliridin chiqishigha ruxset qilish, borispol ayrodurumida turup qalghan türkiye armiyesining ayropilanlirini bixeter halda türkiyege qayturup kélish qatarliq mesililerni muzakire qilish üchün moskwagha yétip barghan idi.

«qizil linye diplomatiyesi» ramkisida wezipige teyinlengen türkiye we rusiyelik générallar bashchiliqidiki heyetler yighinining ijabiy ötkenliki bildürüldi.

deslepte ashliq bésilghan soda paraxotlirining ukraina portliridin chiqishigha ruxset qilish muzakire qilinghan yighinda, mesililerni hel qilish üchün türkiye, rusiye, ukraina we b d t ning özara muzakire ötküzüsh pikirining shekillengenliki qeyt qilindi.

bu ramkida, ukraina-b d t heyitining körüshüshi axirlashqanda, kéyinki heptilerde türkiyede töt terepning bir yerge jem bolidighanliqi eskertildi.

moskwada uzun dawamlashqan yighin axirliship aridin bir qanche saet öter-ötmey, künlerdin buyan saqlap turuwatqan türkiye yük paraxoti ukraina portidin chiqti.

türkiyening «azow konkord» namliq paraxoti rusiye armiyesi we rus bölgünchilerning kontrolluqidiki ukrainaning mariyupol portidin bixeter chiqqan tunji paraxot bolup qaldi.