«10 milyon kub métir tebiiy gazni dölitimizning tok yetküzüsh sistémisigha yötkeymiz»
jumhur reis erdoghan, 2023-yilining birinchi charikide qaradéngizda ishlepchiqirilidighan 10 milyon kub métir tebiiy gazni milliy tok yetküzüsh sistémisigha yötkeydighanliqlirini éytti.
türkiye awazi radiyosi xewiri: jumhur reis erdoghan, filyosta ötküzülgen «tunji qaradéngiz tebiiy gaz turuba yoli we kepsherlesh murasimi» gha qatnashti, hemde bu yerde qilghan sözide, türkiyening hazirghiche bolghan eng chong tebiiy gaz bayqishi bolghan qaradéngiz tebiiy gazining halqiliq basquchigha qedem qoyghanliqidin tolimu xursen ikenliklirini eskertish bilen bir waqitta, buningdin 2 yil ilgiri bu xush xewerni bergen chaghda, yerlik tebiiy gazning xelqning xizmitige sunulidighanliqini bildürgenliklirini tekitlep mundaq dédi: «2023-yilining birinchi charikide, biz her küni birinchi basquchta ishlepchiqirilidighan 10 milyon kub métir tebiiy gazni milliy tok yetküzüsh sistémisigha yötkeymiz. sakariya tebiiy gaz sahesi, xudayim buyrisa, 2026-yili ishlepchiqirishning yuqiri pellisige yétidu. sahede échilidighan 40 quduq bilen birlikte kündilik tebiiy gaz ishlepchiqirish iqtidarimizni 40 milyon kub métirgha yetküzüshni nishan qiliwatimiz.»
