y t b chet ellerdiki türklerge qaritilghan hujumlar toghrisidiki doklatini élan qildi
2021 - yili chet ellerde türkler we ularning menpeetlirige qarshi 316 qétim hujum qilish weqesi yüz bergenliki éniqlandi.
türkiye awazi radiyosi xewiri: chet eldiki türkler we tughqan xelqler idarisi — y t b, «chet ellerdiki türk mewjutluqigha qilinghan hujumlar doklati»ni élan qildi.
2021 - yili yüz bergen hujumlarni amma bilen ortaqlashqan doklat, türkche, inglizche, gérmanche we firansuzche qatarliq töt xil tilda élan qilinghan bolup, uningda körsitilshiiche, 2021 - yili 132 si gérmaniyede, 43 i gollandiyede, 38 i firansiyede bolup jemiy 23 dölette türklerge qarshi 316 qétim hujum qilish weqesi yüz bergen. 2020 – yilidiki türklerge öchmenlik qilish meqsetlik hujumlarda kem dégende 36 adem yarilanghan bolsa, 2021 – yili kem dégende 45 türkiye puqrasi yarilanghan.
2021 – yilidiki beziliri urunush derijisidila qalghan 22 qétimliq ot qoyush weqesining 6 si meschitlerni hujum nishani qilghan.
eng köp yüz bergen hujum qilish shekli aldinqi yillardikige oxshashla bu yilmu 172 qétimliq «öchmenlik qilish» xaraktérlik éghzaki hujum qilish weqesi bolghan. bularning arisida axbarat wasitiliri we ijtimaiy taratqulardiki öchmenlik uchurliri, shundaqla türklerge we ularning munasiwetlik teshkilatlirigha ewetilgen tehdit we öchmenlik qilish ipadilengen mektuplarmu bar.
doklatni chet eldiki türkler we tughqan xelqler idarisining tor békitidiki «öchmenlik jinayiti we kemsitishke qarshi turush» katégoriyesidin körgili bolidu.
