октай йавропа парламентиниң доклатиға наразилиқ билдүрди

түркийә авази радийоси хәвири: октай, анадолу агентлиқиға бу һәқтә бәргән байанатида, мундақ деди: «йавропа парламентиниң 2021-йиллиқ түркийә доклатидин орун алған қибрис мәсилисидики йүзәки вә йирақни көрүштин халий байанлар,  йавропа парламентиниң җәнубий қибрис рум һакимийитиниң байанатчиси сүпитидә һәрикәт қилмақчи болуватқанлиқиниң йәнә бир испатидур. әгәр йавропа иттипақи билән йавропа парламенти, қибрис  мәсилисини һәл қилишқа төһпә қошушни халиса, ундақта, қибрис түрк хәлқини йоққа чиқириштин ваз кечиши, қибрис түрклириниң игилик һоқуқи, һоқуқта баравәрлики вә хәлқаралиқ тәң һоқуқлуқ салаһийитини ройхәткә елиши, һәмдә 2004-йили  қибрис түрк хәлқигә бәргән әһдилиригә вапа қилиши керәк.»

қибриста айрим – айрим икки хәлқ вә икки дөләт барлиқини әскәрткән октай, мундақ дәп көрсәтти: «румларниң 50 йилға йеқин вақиттин буйан, алдаш тактикилири билән, 2004-вә 2017-йиллири рәт қилған модел (федератсийә түзүми), йәнә 50 йил музакирә қилинмайду. бу мәсилә әмди мушу йәрдә ахирлашти.»

йавропа парламентиниң түркийә доклатида, қибрис музакирилириниң қайтидин башлиниши вә қибрис түрк тәрәпниң «икки дөләтлик түзүм» тәклипидин ваз кечишиниң күтүлүватқанлиқи қәйт қилинғаниди.