türkiye jenubiy qibris rim terep hakimiyitining birleshme manéwirigha naraziliq bildürdi

türkiye awazi radiyosi xewiri: tashqi ishlar ministirliqi bayanatchisi, bash elchi tanju bilgich mezkur manéwirgha munasiwetlik soalgha qayturghan yazma jawabida, shimaliy qibris türk jumhuriyiti tashqi ishlar ministirliqining «Agapinor 2022» namliq herbiy manéwirigha qarita élan qilghan bayanatini qollaydighanliqini bildürdi.

tanju bilgich shimaliy qibris türk jumhuriyiti prézidéntliqining 31-maydiki bayanatida tilgha élinghan yéngi hemkarliq teklipliri teyyarliniwatqan bir mezgilde, jenubiy qibris rim terep hakimiyitining rayondiki muqimliqni buzush bedilige uyushturghan bu manéwirining semimiyetsizlikilirining roshen ispati ikenlikini tekitlidi.

tanju bilgich: «jenubiy qibris rim terep hakimiyitining bu xil heriketlirige shérik bolghan döletlerni yene bir qétim jenubiy qibris rim terep hakimiyitining ighwagerchiliki we tetur teshwiqatlirigha waste bolup bermeslikke chaqirimiz» dédi.

 bilgich türkiyening képillik bergen mesuliyiti dairiside her qandaq shert we sharaitta shimaliy qibris türk jumhuriyitining heq - hoquqi we menpeetlirini qetiy qoghdaydighanliqini bildürdi.

«agapénor 2022» herbiy manéwiri israiliye armiyisi bilen jenubiy qibris rim terep hakimiyiti milliy qoghdinish etriti teripidin 29-maydin 2-iyunghiche bolghan ariliqta élip bérilghan idi.

manéwirning jenubiy qibris rim terep hakimiyiti bilen israiliye otturisida bügünge qeder élip bérilghan eng chong herbiy manéwir ikenliki bildürülgen idi.