faxrettin altun: térrorluq mesilini muresse qilishqa yaki sodilishshiqa bolmaydu

türkiye awazi radiyosi xewiri: faxrettin altun shiwitsiyede tarqitilidighan «dagéns nixétér» gézitining shiwitsiyening shimaliy atlantik ehdi teshkilatigha eza bolush iltimasi toghrisidiki soallirigha jawab berdi.

türkiye xelqining eqlide shiwétsiye heqqide éghir soal belgisi we guman barliqini bildürüp, «bolupmu, térrorluq teshkilatlirining «pikir erkinliki» we «siyasiy panahlinish» dégen nam astida qoghdilinishi shiwétsiyening semimiyitini gumanliq halgha chüshürüp qoyidu. olam palm suyiqestide qoli bolghan we adem bomba hujumi élip barghan p k k gha yaki türkiyede (2016-yili) siyasiy özgirish qozghashqa urunup, 251 neper bigunah puqraning jénigha zamin bolghan fethullahchilargha  bixeter makan teminligen bir dölet bilen qandaqsige we néme üchün herbiy ittipaqdashliq ornatqanliqimizni hazirqi sharaitta türkiye xelqige chüshendürüsh mumkin emes»  dédi.

faxrettin alton shiwétsiyening térorluqqa qarshi konkrét we menggülük siyaset özgirishi élip bérishi kéreklikini tekitlep, «térorchilarni türkiyege tapshurup bérish we térorluq teshkilatlirining shiwétsiye zéminida heriket qilishining aldini élish bizning bolmisa bolmaydighan shertimizdur» dégen sözlerni ishletti.

u yene mundaq dédi:

«ular iltimas qilishtin ilgiri, <türkiye her halda qayil bolidu> yaki<türkiye her halda qarshi turmaydu> dep oylighan bolushi mumkin. lékin türkiye kona türkiye emes. hazir her qandaq bedel tölesh arqiliq menpeetini qoghdaydighan, her bir munberde we her bir söhbette barawerlik munasiwitini telep qilidighan bir türkiye bar.  bu heqiqetke hemmeylen könüshi lazim. emeliyette, biz bu halqiliq mezgilde natoning shiwétsiye we finlandiye teripidin aware qilinishini toghra tapalmaymiz. shimaliy atlantik ehdi teshkilatigha eza bolush heq mesilisi emes, u bir imtiyazdur. bu teshkilatqa eza bolushni xalaydighan döletler kéreklik shertlerni hazirlighan teqdirde andin qétilalaydu. yene kélip térrorizmgha oxshash bir mesilini muresse qilishqa yaki sodilishshiqa bolmaydu.   buningdin kéyin qandaq bolishi shiwétsiye hökümitige baghliq. biz shiwétsiyening ichki ishlirigha arilashmaymiz»