jumhur reis erdoghan goita bilen téléfonlashti
jumhur reis rejep tayyip erdoghan mali muweqqet pirézidénti assimi goita bilen téléfonlashti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bayanat élan qilip, jumhur reis erdoghan bilen pirézidént assimining téléfonliship, türkiye – mali munasiwiti we rayonluq mesililer toghrisida sözleshkenlikini uqturdi.
bayanatta körsitilishiche, jumhur reis erdoghan söhbet jeryanida, türkiyening malining siyasiy basquchqa ötüsh musapisi hemde térrorluqqa qarshi turush kürishini dawamliq qollaydighanliqini bayan qilip, maliningmu türkiyening térrorluqqa qarshi turush kürishini oxshash shekilde qollishini ümid qilidighanliqini, bu dairide fetullahchi térrorluq teshkilatining malidiki paaliyetlirige xatime bérishi kéreklikini otturigha qoyghan.
erdoghan, türkiyening malining tereqqiyatigha töhpe qoshushtin intayin xushalliq hés qilidighanliqini bildürüp, ikki döletning iqtisadiy we soda munasiwitini yaxshilash üchün qedem tashlaydighanliqlirini sözlirige ilawe qildi.
