chawushoghlu israiliyede ziyarette boldi
tashqi ishlar ministiri mewlüt chawushoghlu dölet ishliri ziyaritide bolush üchün yétip barghan israiliyening paytexti tél awiwde israiliye – türkiye soda kéngishining ezaliri bilen körüshti.
türkiye awazi radiyosi xewiri: chawushoghlu israiliye – türkiye soda kéngishining ezaliri bilen körüshti
tashqi ishlar ministiri mewlüt chawushoghlu dölet ishliri ziyaritide bolush üchün yétip barghan israiliyening paytexti tél awiwda israiliye – türkiye soda kéngishining ezaliri bilen körüshti.
chawushoghlu, bu yerde qilghan sözide, türkiye – israiliye otturisida, «kowid – 19» yuqumining deslepki mezgilide 6 milyard dollar bolghan ikki tereplik soda omumiy sommisining texminen % 30 lik éshish bilen, 2021 – yili 8 milyard dollardin ashqanliqini eskertish bilen bir waqitta, aprél éyida tél awiwdiki bén gurion ayrodurumigha kétish – qaytish ayropilan seperliri eng köp ishqa ashurulghan jayning istanbul ikenlikini, israiliye bilen téxnologiye, énérgiye we pakiz énérgiye, yéza igilik we yéza igilik téxnologiyeliri, türkiye shirketlirining tejribe – sawaqliri bilen hesse qoshidighan qurulush saheside hemkarliq paaliyetlirining barliqini tekitlidi, hemde bu yerdiki karxanichilargha xitaben mundaq dédi: «türkiye – israiliye munasiwetliri bir qatar egri – toqayliqlargha qarimay herdaim küchlük halette dawamlashti. bu, silerning méhnetliringlar we türkiye bilen bolghan rishtiliringlar sayisida shundaq boldi. munasiwetlirimizde yéngi sehipe échilishi bilen teng, soda jemiyetlirimiz otturisida téximu köp hemkarliqlarning shekillinishi üchün shert – sharaitlarmu hazirlandi.»
türkiyening küchlük iqtisadiy qurulmisi, ilghar ul esliheliri we layaqetlik emgek küchining barliq küchlük meblegh salghuchilarni jelp qiliwatqanliqini qeyt qilghan chawushoghlu, mundaq dep körsetti: «signallirimizni israiliyelik karxanichilargha yetküzüshünglargha ishinimiz.»
bat yam shehiridiki türkiyelikler birleshmisinimu ziyaret qilghan tashqi ishlar ministiri mewlüt chawushoghlu, israiliyege qilghan dölet ishliri ziyariti heqqide mundaq dédi: «munasiwetlirimizning her sahede yenimu yüksek sewiyege yétishi üchün ortaq iradimizni namayan qilduq, gerche aldimizda musheqqetlik künler bar bolsimu, yenila munasiwetlirimizni üzlüksiz dawamlashturushni qararlashturduq.»
israiliyediki türkiyelikler birleshmisining mesuli owi roditi gulershen bolsa, türkiye – israiliye otturisidiki munasiwetlerning normalishishining chawushoghluning ziyariti arqiliq téximu janlinishini ümid qilidighanliqlirini éytti.
