erdoghan adana tenterbiye sariyida 81 wilayettin kelgen yashlar bilen körüshti
jumhur reis rejep tayyip erdoghan türkiye qolgha keltürgen her bir muweppeqiyetning yashlarning peziletlik küreshliri sayisida qolgha keltürgen netijiliri ikenlikini éytti.
türkiye awazi radiyosi xewiri: jumhur reis erdoghan yéngi adana tenterbiye sariyida 81 wilayettin kelgen yashlar bilen körüshti.
erdoghan sözligen nutuqida bu yashlarning türkiyeni nishanigha yetküzidighan we dunyani özgertidighan kishiler ikenlikini bildürüp, 2016-yili 15- iyuldiki siyasiy özgirish qozghash urunushining meghlup qilinishida yashlarning asasliq rol oynighanliqini tekitlidi.
erdoghan: «türkiye zörür tépilghanda yette döletke jeng élan qilish arqiliq qolgha keltürgen her bir muweppeqiyet yashlirimizning mana bu ésil xisletliri bilen namayan qilghan peziletlik küreshliri we shereplik meydani sayiside ishqa ashti» dédi we barliq tesewwurlarni yashlar bilen birge qurghanliqini, nishanlarni yashlar bilen birge belgilep, barliq teyyarliqlarni buninggha mas halda élip bériwatqanliqini tekitlep, «uniwérsitét, ottura maarip, maarip we tenterbiye qatarliq jehetlerde kelgüsini muweppeqiyetke toldurghan halda yashlargha teyyarlawatimiz» dédi.
dölette hemmeylenni teshna bolghan heq – hoquq we erkinlikke érishturgenge oxshash térrorluq teshkilatlirigha qarshimu muweppeqiyetlik küresh qilghanliqini ipadiligen jumhur reis erdoghan: «biz türkiyeni özining nishanigha qarap ilgirilitiwatimiz. buningdin kéyinki nishanlirimiznimu siler bilen birlikte emelge ashurimiz, tesewwurlirimiznimu siler bilen birlikte qurup chiqimiz» dédi.
erdoghan adanada 81 wilayettin kelgen yashlar bilen qérindashliq uchuri bergenlikini tekitlep, «yashlirimizning arisigha ixtilap tirilishigha qetiy yol qoymaymiz» dédi.
