erdoghan her qaysi sheherlerdin kelgen yashlar bilen körüshti

türkiye awazi radiyosi xewiri: jumhur reis rejep tayyip erdoghan 19-may atatürkni xatirilesh, yashliq we tenterbiye bayrimi munasiwiti bilen jumhur reislik mehkimisining millet kutupxanisida ötküzülgen «kutupxana söhbetliri» paaliyitide, türkiyening her qaysi sheherliridin kelgen yashlar bilen bir yerge jem boldi.

rejep tayyip erdoghan: «ukraina-rusiye urushi jeryanida pirinsipchan we biterep meydanda turghan iduq. buning netijiside, bolupmu rusiye bilen gherbtin bésim keldimu? kelgen bolsa, türkiye u bésimlargha qandaq taqabil turdi?» dégen soalgha mundaq jawab berdi:

«rusiye bilen ukrainagha tengpung siyaset yürgüzüwatimiz. bu siyasette rusiye pirézidénti wladimir putin bolsun yaki ukraina pirézidénti wolodimir zélénskiy bolsun munasiwetlerni üzüsh niyitimiz yoq. putin we hörmetlik zélénskiy bilen téléfon diplomatiyesini élip bériwatimen. alahide wekilimizni ukraina bilen rusiyege ewettuq we hazirmu ewetiwatiwatimiz. bundin kéyinmu oxshash usulda buni dawamlashturimiz.»

u axirida, yéngi dunya urushining yüz bérishining rayongha we dunyagha ziyanliq ikenlikini tekitlidi.