erdoghan: finlandiyening natogha ezaliqigha ijabiy qarimaymiz
jumhur reis rejep tayyip erdoghan bu dunya bilen menggülük widalashqan ereb birleshme xelipiliki dölet bashliqi sheyx xelife bin zayid ennehyangha allah taaladin rehmet tilidi.
türkiye awazi radiyosi xewiri: jumhur reis erdoghan, istanbulda axbarat wasitilirining küntertipke munasiwetlik soallirigha jawab bergende, finlandiyening shimaliy atlantik ehdi teshkilatigha ezaliqi heqqide toxtilip mundaq dédi: «biz nöwette shiwétsiye we finlandiyediki özgirishlerni közitiwatimiz. emma biz bu heqte ijabiy qarashta emesmiz. ilgiri, bizdin burunqi hökümetler girétsiyening shimaliy atlantik ehdi teshkilatigha ezaliqi mesiliside xata qildi. girétsiyening shimaliy atlantik ehdi teshkilatini destek qilip, türkiyege tutuwatqan pozitsiyeisi silergimu ayan. türkiye bolush süpitimiz bilen, bu jehette ikkinchi qétim xataliq sadir qilishni xalimaymiz.»
skandinawiye döletlirining goya térrorluq teshkilatlirining méhmanxanisigha oxshaydighanliqini tekitligen jumhur reis erdoghan, mundaq dep körsetti: «PKK , DHKPC mu ashu döletlerning parlaméntliridinmu orun almaqta, shunga, bizning finlandiyening shimaliy atlantik ehdi teshkilatigha eza bolush basquchigha ijabiy qarishimiz mumkin emes.»
