amérika puqrasi kubaliq séstira ertughrul ghazi üchün bilejikke yétip keldi
amérikaning miami shehiride séstira bolup ishleydighan kubaliq yajkara tékido moratalla tarix oqutquchisidin anglighan osmanli impériyesining qurghuchisi (1299) osman beyning dadisi ertughrul ghazini yéqindin tonush üchün bilejikke yétip keldi.
türkiye awazi radiyosi xewiri: moratalla sheyx edebali uniwérsitétining muawin bash katipliq wezipisidin aldinqi yili pinsiyege chiqqan murat ishiq bilen ikki yil ilgiri ijtimaiy alaqe torida tonushqan bolup, u murat ishiqning méhmini süpitide ikki hepte ilgiri bilejikqa yétip keldi.
kubaliq séstira moratalla ertughrul ghazi we (diniy alim) sheyx edebalining qebrisini ziyaret qilghanda qattiq tesirlengenlikini we arzusining axiri emelge ashqanliqini éytti.
moratalla türk xelqining semimiylikige heyran qalghanliqini bildürüp, «men tarix oqutquchisidin ertughrul ghazini anglighan idim we intayin tesirlengen idim. kéyin «dirilish ertughrul» we «qurulush osman» namliq téléwiziye tiyatirlirini kördüm. nahiyitimu ésil hékayiliri bar, axiri arzuyumgha yettim» dédi.
