erdoghan süriyelik musapirlarni adaqqiche qoghdaydighanliqini éytti
jumhur reis rejep tayyip erdoghan musapirlar heqqide toxtilip: «dölitimizde panahlanghan qérindashlirimizni adaqqiche qoghdaymiz» dédi.
1824142
türkiye awazi radiyosi xewiri: jumhur reis erdoghan istanbuldiki atatürk medeniyet merkizide ötküzülgen müsiad (musteqil soda - sanaetchiler jemiyiti) qurulghanliqining 32 – xatire yilini tebriklesh we müsiadning eneniwi «türkiyening küchi» mukapatini tarqitish murasimidiki sözi jeryanida türkiyediki süriyelik musapirlar toghrisida toxtilip: «süriyediki urushtin qéchip wetinimizde panahlanghan bu qérindashlirimizni adaqqiche qoghdaymiz. ular xalighan waqitta wetinige qaytip ketse bolidu, lékin biz ularni bu yerlerdin hergizmu qoghlimaymiz, ularni qatillarning quchiqigha tashlap bermeymiz» dédi.
jumhur reis erdoghan yene, süriyening shimalida kem dégende 100 ming yürüsh brukét öy sélishni pilanlawatqanliqlirini sözlirige ilawe qildi.
