akar rusiye dölet mudapie minstiri shoygu bilen körüshti

türkiye awazi radiyosi xewiri: dölet mudapie ministirliqi hulusi akar bilen rusiye dölet mudapie ministiri sérgéy shoyguning téléfonda körüshkenliki toghrisida bayanat élan qildi.

bayanatta bildürülishiche, hulusi akar insaniy weziyetning normallishishi we rayonda xatirjemlik hemde muqimliqning qaytidin ornitilishi üchün derhal urush toxtitishning ehmiyitini tekitligen.

u yene, mariyupol qatarliq urush rayonliridin puqralarni bixeter halda quruqluqtin yaki déngiz yolidin tarqaqlashturushning muhim ikenlikini bildürgen.

u insanperwerlik yardem mesilisini her jehettin qollash üchün tirishchanliq körsitiwatqan türkiyening, rayonda tinchliqning ornitilishi üchün ilgiri qilghinigha oxshash, bundin kéyinmu üstige chüshken wezipisini ada qilishni dawamlashturidighanliqini yene bir qétim eskertken.